Оюутолгойн баяжуулах үйлдвэрийг барьж байгаа "Си Эм Ти Си" компанийн 1000 гаруй хятад ажилчид хоорондоо зодолдсон хэрэг өнгөрсөн бямба гаригт болсон байна. Зодооноос үүдэн 2 ажилчин хүнд бэртжээ. Тэд аймгийн эмнэлэгт хэвтэн эмчлүүлж байгаа аж. Хятад ажилчид хоолоо чамлан монгол тогоочийг буруутгаснаас зодоон эхэлсэн байна. Тэнд хамгаалалтаар ажилладаг "Бамбай" хамгаалалтын албаныхан үймээнийг зогсоож дийлээгүй учир Ханбогд сумаас тусламж эрэн цагдаагийхныг дуудан үймээнийг намжаажээ.